Вучыць бяспецы трэба з дзяцінства
На пачатку сакавіка падведзены вынікі рэкламнай гульні-конкурсу «Лепшы настаўнік 2009 года па курсу «Асновы бяспекі жыццядзейнасці», які праводзіла рэдакцыя часопіса «Служба выратавання 01» пры падтрымцы Міністэрства адукацыі Рэспублікі Беларусь і Міністэрства па надзвычайных сітуацыях Рэспублікі Беларусь.
Афіцыйна:
Па словах начальніка ўпраўлення агульнай сярэдняй адукацыі Міністэрства адукацыі Рэспублікі Беларусь Юрыя Гладкова, пры пераходзе сістэмы агульнай сярэдняй адукацыі на 11-гадовы тэрмін навучання была зменшана вучэбная нагрузка на вучняў агульнаадукацыйных устаноў, а шэраг прадметаў, у ліку якіх і «Асновы бяспекі жыццядзейнасці», пераведзены ў разрад факультатыўных заняткаў. Але АБЖ не зусім звычайны факультатыў: яго вывучаюць у абавязковым парадку ўсе вучні класа (а не пэўная група), ажыццяўляецца ацэнка вынікаў дзейнасці вучняў і праводзяцца залікі, выкладанне курса, як і традыцыйных вучэбных прадметаў, забяспечваецца метадычнымі распрацоўкамі. «У параўнанні з 2008 годам, — падкрэсліў прадстаўнік Міністэрства адукацыі, — агульны аб’ём курса павялічаны за кошт пашырэння раздзелаў «Правілы дарожнага руху», «Правілы пажарнай бяспекі» і «Абарона насельніцтва ад надзвычайных сітуаціый» і зараз складае 174 вучэбныя гадзіны. Сёння Міністэрства адукацыі разглядае пытанне пра далейшае пашырэнне курса».
У адпаведнасці з палажэннем удзельнікі прадставілі на конкурс матэрыялы па тэмах раздзела «Правілы пажарнай бяспекі» курса АБЖ. Дваццаць фіналістаў — прадстаўнікоў усіх абласцей і сталіцы Беларусі — некалькі дзён дэманстравалі свае педагагічныя ўменні ў сценах мінскай гімназіі № 75. Пераможцаў у трох намінацыях чакалі каштоўныя прызы: ноутбукі ад часопіса «Служба выратавання 01».
«На адборачным этапе конкурсу мы ацэньвалі работы па шэрагу крытэрыяў, — паведаміла нам член журы, вядучы навуковы супрацоўнік Нацыянальнага інстытута адукацыі Наталля Мікалаеўна Якаўлева, — сярод якіх варта вылучыць нестандартную падачу вучэбнага матэрыялу, наяўнасць нагляднасці і выкарыстання тэхнічных сродкаў навучання, разнастайнасць метадычных прыёмаў і інтэрактыўнасць заняткаў. Члены журы адзначалі таксама метадычную эфектыўнасць заняткаў, практычную значнасць і магчымасць прымянення метадычнай распрацоўкі ў педагагічнай практыцы».
Заняткі, прапанаваныя на фінальны тур, прадэманстравалі яскрава выражаную практычную накіраванасць, дазвалялі фарміраваць у вучняў уменні і навыкі, неабходныя для бяспечнай жыццядзейнаці.
Журы, у склад якога ўвайшлі прадстаўнікі Міністэрства адукаціі Рэспублікі Беларусь, Нацыянальнага інстітута адукацы, Міністэрства па надзвычайных сітуацыях, сродкаў масавай інфармацыі і ўстановы-арганізатара конкурсу, не толькі ацэньвала прафесійныя якасці настаўніка, але і сачыла за ходам урока, узаемадзеяннем настаўніка з вучнямі. Неацэнную дапамогу канкурсантам аказалі вучні, з якімі праводзіліся заняткі. Эрудыраваныя і дапытлівыя, яны актыўна прымалі ўдзел ў рэалізацыі задум настаўніка, атрымліваючы задавальненне ад працэсу навучання.
«Калі праводзіла ўрок, я не адчувала, што ўдзельнічаю ў спаборніцтвах. Я проста якасна выконвала сваю работу — вучыла дзяцей, — падзялілася сваімі ўражаннямі ад конкурсу Галіна Пятроўна Раманюк, настаўнік сярэдняй школы № 9 г. Кобрына, якая атымала перамогу ў намінацыі «Лепшыя заняткі па курсу АБЖ для 2–4 класаў». — Культуру бяспечных паводзін неабходна выхоўваць з дзяцінства. Мы, бацькі, выхавацелі і педагогі, павінны не проста пазнаёміць дзяцей з правіламі бяспечных паводзін — мы павінны сфарміраваць ў іх карысную звычку думаць пра бяспеку перш, чым зрабіць той ці іншы ўчынак».
«Гэты курс неабходны ў школе не менш за іншыя, – адзначыў пераможца конкурсу у намінацыі «Лепшыя заняткі па курсу АБЖ для 5–7 класаў» настаўнік сярэдняй школы №14 г. Баранавічы Леанід Чаранкевіч. — Прычына большасці надзвычайных сітуацый з’яўляецца дзейнасць чалавека. У адных гэта адбываецца з-за няведання, іншыя свядома парушаюць пэўныя правілы. Пагэтаму лічу, што асноўная задача курса — даць дзецям тэарэтычныя веды, выпрацаваць уменні і навыкі бяспечнай жыццядзейнасці, прывіць свядомае стаўленне да бяспекі, як асабістай, так і грамадскай».
Такой жа думкі прытрымліваецца і пераможца ў намінацыі «Лепшыя заняткі па курсу АБЖ для 8–9 класаў» настаўнік гімназіі №1 г. п. Бялынічы Вольга Мацюшэўская: «Навучыць і падрыхтаваць, псіхалагічна настроіць нашых дзяцей на правільныя паводзіны ў любой жыццёвай сітуацыі — самая важная задача курса АБЖ і мая як настаўніка. Спадзяюся, што мае вучні ніколі не апынуцца ў экстрэмальнай сітуацыі, а калі раптам такое і адбудзецца, яны змогуць уратаваць ад бяды і сябе, і іншых».
Галоўны рэдактар часопіса «Служба выратавання 01» Уладзімір Фалалееў
На фота: пераможцы конкурсу (злева направа) Вольга Мацюшэўская, Галіна Раманюк, Леанід Чаранкевіч.
Фіналісты рэкламнай гульні-конкурсу «Лепшы настаўнік 2009 года па курсу «Асновы бяспекі жыццядзейнасці» ў намінацыі «Лепшыя заняткі па курсу АБЖ для 2–4 класаў»
Раманюк Галіна Пятроўна (СШ №9 г. Кобрына Брэсцкай вобл.)
Ганчарова Валянціна Іванаўна (СШ №29 г. Віцебска)
Руткоўская Аксана Уладзіміраўна (СШ №118 г. Мінска)
Дакурна Ірына Мечыславаўна (СШ №2 г. Ашмяны Гродзенскай вобл.)
Плаўсюк Аксана Міхайлаўна (Азёрская СШ Уздзенскага раёна Мінскай вобл.)
Раманава Людміла Фёдараўна (Бацэвіцкая сярэдняя школа – сад Крычаўскага раёна Магілёўскай вобл.)
Фіналісты рэкламнай гульні-конкурсу «Лепшы настаўнік 2009 года па курсу «Асновы бяспекі жыццядзейнасці» ў намінацыі «Лепшыя заняткі па курсу АБЖ для 5–7 класаў»
Чарнякевіч Леанід Аляксандравіч (СШ №14 г. Баранавічы Брэсцкай вобл.)
Кірэеў Дзмітрый Віктаравіч (СШ №4 г. Орша Віцебскай вобл.)
Алісейка Віктар Міхайлавіч (СШ № 167 г. Мінска)
Краўчанка Ганна Уладзіміраўна (СШ № 61 г. Гомеля)
Рыдзецкая Алена Аляксандраўна (Гродзенская гарадская гімназія)
Лукашык Мікалай Іванавіч (Івянецкая СШ Мінскай вобл.)
Гурын Міхаіл Аляксандравіч (Глусская раённая гімназія Магілёўскай вобл.)
Фіналісты рэкламнай гульні-конкурсу «Лепшы настаўнік 2009 года па курсу «Асновы бяспекі жыццядзейнасці» ў намінацыі «Лепшыя заняткі па курсу АБЖ для 8–9 класаў»
Шынкарэнка Аксана Пятроўна (СШ №3 г. Пінска Брэсцкай вобл.)
Торапаў Дзмітрый Генадзьевіч (Гімназія №1 г. Віцебска)
Галееў Уладзімір Дзянісавіч (СШ №24 г. Гомеля)
Альшэўская Ганна Антонаўна (Бердаўскі дзіцячы сад – сярэдняя школа Лідскага райна Гродзенкая вобл.)
Якімаў Валерый Вадзімавіч (Гімназія г. Фаніпаля Мінскай вобл.)
Мацюшэўская Вольга Мікалаеўна (Гімназія №1 г. Бялынічы Магілёўскай вобл.)
Патаповіч Ірына Іванаўна (СШ №47 г. Мінска)
